Mbetet në qeli ish kreu i komunës Bërxullë Ymer Marku dhe ish zyrtarët Agim Loci dhe Kujtim Allmeta.
Ndryshon masa vetëm për Kujtim Balliun, për shkaqe familjare. Gjykata ndryshoi masën e sigurisë nga “arrest ne burg” ne “arrest në shtëpi”.
Gjykata e Tiranës pranoi kërkesën e Prokurorisë, e cila arrestoi 3 ish-zyrtarë dhe shtetasin Kujtim Allmeta, lidhur me një sipërfaqe prej 7500 metra katror tokë në Bërxullë, që dyshohet se është përfituar në mënyrë të paligjshme përmes falsifikimit të dokumenteve.
Po ashtu, Prokuroria ka kërkuar edhe sekuestrimin e kësaj sipërfaqeje toke.
Ish-zyrtarët akuzohen për kryerjen e veprës penale “Shpërdorimi i detyrës”, ndërsa shtetasi me inicialet K.A., për veprën penale “Falsifikimi dokumenteve”, dhe veprën “Pastrimi i produkteve të veprës penale” e parashikuar nga neni 287 të K.Penal.
1-Ymer Gjergjio Marku i datëlindjes 13.04.1968 lindur dhe banues në Tirane, me detyre ish-Kryetar i Komunës Berxullë.
2-Kujtim Sulejman Balliu i datëlindjes 14.06.1958 lindur dhe banues në Tiranë. Me detyrë ish-përgjegjës i Zyrës së Mbrojtjes dhe Menaxhimit të Tokës, Komuna Berxullë.
3-Agim Sinan Loci i datëlindjes 13.05.1971 lindur dhe banues ne Tiranë, ish-kryeplak i fshatit Bërxullë.
4- Kujtim Osman Allmeta i datëlindjes 25.05.1964 lindur dhe banues në Tiranë.
Veprat penale për të cilat ata akuzohen janë të parashikuara në nenet 248, 186/2 dhe 287 të Kodit Penal
Me cilësinë e provës materiale u sekuestruan një sipërfaqe toke prej 7500 metra katrorë në fshatin Berxulle –Tiranë.
- Bleu tokën e përfituar përmes falsifikimit, kompania në pronësi të nipit të Sadri Abazit
Prokuroria e Tiranës kërkoi arrestimin e 3 ish-zyrtarëve të komunës Bërxullë, Ymer Marku, Kujtim Balliun, Agim Locin, si edhe shtetasin Kujtim Allmeta, të akuzuar për përfitimin e 7500 metra katrorë tokë nëpërmjet falsifikimit të dokumentave.
Kjo sipërfaqe toke, pasi është përfituar në mënyrë të paligjshme dhe nga Prokuroria e Tiranës është kërkuar sekuestrimit i saj, i është shitur shoqërisë “Alko Impex Construsion” shpk në vlerën 10.000.000 lekë të reja.
Kjo kompani, rezulton të jetë nën pronësinë e nipit të ish-deputetit socialist Sadri Abazi, Arbër Abazi.
Kjo nuk është hera e parë që lakohet emri i Arbër Abazit. Boldnews.al ka raportuar më herët se dy kompani të menaxhuara nga Arbër Abazi, “Alko Impeks Construction” dhe “Alko Impeks General Construction”, kanë vendosur një lloj hegjemonie thelbësore në fitimin e tenderave për “Rindërtimin” dhe sidomos për pastrimin e qyteteve të ndryshme në Shqipëri.
