Kreu i Grupit Parlamentar të PD-së, Gazment Bardhi, deklaroi për mediat se në seancën e nesërme në Kuvend duhet të kishte debat me mocion. Bardhi thekson se deputetët socialistë po bëjnë avokatin e Olsi Ramës.
Sipas tij, mazhoranca nuk po respekton institucionet që qëndrojnë mbi palët politike, duke shkallmuar demokracinë.
“Grupi Parlamentar i Partisë Demokratike do të ripërsërisë shqetësimin për mohimin e të drejtave të opozitës në parlament. Jeni dëshmitar, që brenda javëve dy kërkesa të deputetëve te opozitës, e para për interpelance me kryeministrin dhe e dyta për një mocion me debat në lidhje trafikun e lendeve narkotike, janë mohuar pa asnjë arsye ligjore, vetëm për arsye penale të Ramës.
Nesër duhet të ishte mocion me debat në parlament. Deputetët e mazhorancës po bëjnë avokatin e Olsi Ramës. Edhe pse kemi kallëzuar Olsi Ramën prej 1 muaji, nuk kemi përgjigje se çfarë bënte vëllai i kryeministrit në një makinë me autorët?
Grupi parlamentar i mazhorancës beson se Kuvendi është mbi gjithçka. Janë rrëzuar institucione të rëndësishme për demokracinë”, tha Bardhi.
