Një ngjarje e rëndë raportohet të ketë ndodhur një ditë më parë në një firmë për shpërndarjen e pijeve alkoolike, në Fushë Mëzez.
Një punëtore ka humbur jetën pasi e kanë zënë poshtë dy paleta me pije, teksa ishte duke i sistemuar. Mësohet se ajo është dërguar menjëherë në spital por nuk ka mundur të mbijetojë.
“Gjatë sistemimit të disa paletave me një mjet pune pirun, janë rrëzuar dy paleta të cilat kanë zënë poshtë shtetasen K. B., 54 vjeçe. Si pasojë e dëmtimeve të marra 54-vjeçarja ka ndërruar jetë më pas në spital”,- thuhet në njoftimin e Policisë.
Sakaq policia ka vënë në pranga punëtorin e kësaj firme, – R. S., 56 vjeç, banues në Tiranë. Dosja i kaloi prokurorisë së Tiranës për hetime të mëtejshme.
