Një automjet tip “Range Rover” është grabitur gjatë natës në Durrës.
Ngjarja ka ndodhur rreth orës 3:30 në lagjen nr. 4, afër portit, ku persona ende të paidentifikuar kanë vjedhur mjetin që ishte parkuar poshtë pallatit dhe janë larguar në drejtim të paditur.
Sipas Balkanweb, mjeti ishte në pronësi të shtetasit Herald Dervishi.
Dervishi ka bërë denoncim në polici, ndërsa kjo e fundit ka marrë dhe kamerat e sigurisë së bizneseve, për të bërë të mundur identifikimin dhe arrestimin e autorëve.
