Kreu i Bashkisë së Tiranës, Erion Veliaj njihet si më i zoti se shefi i tij Edi Rama për propagandë dhe kapjen e mediave, edhe pse ky i fundit ndoshta “show-n” e bën më tërheqës për shkak se është artist.
Por, gjithsesi, fokusi i “Rilidnjes” që prej marrjes së qeverisë në vitin 2013 ka qenë që me show dhe propagandë t’u hedhin “hi syve” shqiptarëve për aferat me grabitjen e miliona euro para publike.
Të njëjtln gjë ka bërë edhe kryebashkiaku Erion Veliaj mëngjesin e sotëm. Ai ka shpërndarë për mediat e tij, një lajm për projektin fundor të “Bulevardit të Ri” të cilat e kanë shpërndarë në mënyrë të rrufeshme “copy paste”.
Lajmi përbëhet vetëm me disa imazhe të projektit “3D” dhe fjalët e Veliajt që shumë shpejt do të nisë punën.
Ky projekt ka prej vitesh që qëndron vetëm në letër dhe në kronikat e gatshme të edicionet televizive, teksa fjalët e Veliajt sot me shumë mundësi ishin thjesht mashtrimi i radhës prej tij.
Qëllimi i vetëm i kryebashkiakut të Tiranës ka qenë propaganda që të shfokusojë vëmendjen e qytetarëve nga afera “5D”, ku drejtorët e tij kanë grabitur miliona euro para publike të buxhetit të Bashkisë Tiranë, nëpërmjet tenderave të fituara.
Emri i Veliajt përmendet edhe në përgjimet, ku zbulohet se paratë e grabitura nga buxheti i shtetit drejtorët e Veliajt i investonin në ndërtimin e hoteleve me “5 yje”.
Jonida Bejkos, punonjëse e kompanisë “5D Konstruktion”, në bisedë e sipër me një të njohurin e saj i tregon atij hotelin që drejtorët e Veliajt po ndërtonin në Durrës duke shtuar se “është aks. pronari jon… Lali eri… e kta”.
Pasi ditën e djeshme me shantazhe dhe servilosje, bëri që edhe shefi i tij, Edi Rama të binte dakord me të, pasi mori në mbrojtje drejtorët hajdutë, sot Veliaj ka nisur aksionit për të bërë atë që di të bëjë më mirë: propagandë, show, fasadë, duke u shfaqur me fytyrën e “njeriut të punës”, pavarësisht se duart e bashkëpunëtorëve më të afërt të tij janë gjetur në thesin e parave të qytetarëve.
Kujtojmë se në lidhje me dosjen “5D” SPAK ka arrestuar tre prej drejtorëve të Bashkisë së Tiranës, Taulant Tusha, Redi Molla dhe Mariglen Qato, si dhe ka vënë nën hetim disa zyrtarë të tjerë të bashkisë.
“Nga burimet e provave të mbledhura në kuadër të hetimeve të këtij procedimi penal janë krijuar dyshime të arsyeshme se shtetasit Redi Molla dhe Mariglen Qato janë ortakët e vërtetë dhe pronarët “de facto” të shoqërisë “5D Konstruksion” sh.p.k. Shtetasit Redi Molla dhe Mariglen Qato e kanë zotëruar këtë shoqëri tregtare në mënyrë indirekte, duke përdorur persona të tjerë, shtetasit Eduard Meta, Muhamet Petriti dhe Nestor Muhametllari, si ortakë fiktiv në aktet e rregjistrimit dhe funksionimit të shoqërisë, me të cilët ortakët e vërtetë të shoqërisë kanë pasur lidhje shoqërore dhe lidhje miqësore. Nga veprimet hetimore të kryera është provuar fakti se shoqëria tregtare “V.A.S Konstruksion” sh.p.k e njëjtë me “5D Konstruksion” sh.p.k, ka marrë pjesë dhe është shpallur fituese në kundërshtim me rregullat e prokurimit publik, në disa procedura prokurimi të organizuara nga autoriteti kontraktor Bashkia Tiranë.” – thuhej në njoftimin e SPAK.
LEXO EDHE:
Paturpësia! VIP-at nuk ndalin servilizmin, duartrokasin korrupsionin sheshit të Lalit
Skema korruptive “5D”, Veliaj tradhëtohet edhe nga “ushtria e tij” dixhitale
Veliaj ndjen lagështirën e burgut, një fjalim, 8 servilosje Ramës pas aferës “5D”
Veliaj: Edhe unë, si Edi Rama, nuk i dalloj dot të korruptuarit
“Fazat e hidhërimit”/ Skandali “5D”, shpjegimi i thjeshtë për reagimet e Erion Veliaj
Arrestimi i drejtorëve/ Rama: Jam dakord me qëndrimin e Veliajt, të tjerët shpifin!
