Një grup, i ashtuquajtur VIP-ash në Shqipëri, duket se nuk iu intereson aspak fytyra e tyre dhe morali para publikut, por zgjedhin interesin e vogël vetjak.
Ata vazhdojnë servilizmin ndaj kreut të Bashkisë së Tiranës, Erion Veliaj, edhe kur këtij të fundit i del korrupsioni sheshit me aferën “5D”, për të cilën u vunë në pranga disa prej drejtorëve të tij, ku kishin grabitur miliona euro nga buxheti i bashkisë, para të taksapaguesve shqiptarë.
Erion Veliaj doli sot, si gjithmonë vetëm para mikrofonit dhe kamerës së tij dhe jo para gazetarëve që nuk e ka bërë kurrë, për të mbajtur një qëndrim në lidhje me këtë aferë dhe për t’u shfajësuar.
Tek video e tij në rrjetin social, ajo që vihet re janë disa prej të ashtuquajturve VIP-a, që kanë komentuar kush me grusht apo muskuj, e disa me duartrokitje apo zemër.
Arjola Demiri, Dritan Shakohoxha, Kastro Zizo, Rovena Dilo, Gaz “strategjik” Paja, Luiza Gega, janë disa prej VIP-ave që kanë komentuar për të lavdëruar “Lalin e korrupsionit”, ndërsa disa të tjerë si Noizy, Alban Skënderaj apo Monika Lubonja janë mjaftuar me vetëm një “like”.
Shumë prej tyre u janë publikuar faturat e majme të marra nga buxheti i bashkisë së Tiranës, apo emri në borderotë e administratës të kësaj bashkie, kështu që ata nuk e ndalin servilizmin. Zgjedhin “të hanë turpin me bukë” dhe të duartrokasin korrupsionin sheshit të Veliaj me aferën “5D” dhe inceneratorin e Tiranës.
Ose, ndoshta kur e etiketojnë ata Veliajn si “njeriun e punës”, mos ndoshta e kanë patur fjalën për punë e korrupsionit dhe për hilet që kryebashkiaku u mëson fermerëve “live” në TV për t’ia futur shtetit, ku imagjino se ç’mënyra mund t’u mësojë drejtorëve të tij.
Pak ditë më parë, u ngrit pyetja nëse këta “VIP-a” a do të kërkoni falje për fushatën që i bënë Veliajt në zgjedhjet e fundit lokale. Jo që falje nuk kërkuan, por sa i përket servilizmit, po citojmë fjalën e urtë se “vesi del me shpirtin”./Boldnews.al
LEXO EDHE: A duhet të kërkojnë falje çingijet që bënë thirrje për të votuar Veliajn?
