Kreu i grupit parlamentar të PD-së, Gazment Bardhi ka reaguar, pasi kryeministri Edi Rama i doli në mbështetje kryebashkiakur Erion Veliaj në lidhje me qëndrimin e tij për drejtorët e arrestuar në aferën “5D”.
Në një postim në rrjetet sociale, Bardhi shkruan se shantazhi i Erion Veliajt ndaj Edi Ramës funskionoi. Sipas tij, Rama mbështeti Veliajn më shumë sesa vëllain e tij biologjik Olsi Rama, pasi e di që kryebashkiaku i Tiranës i ka në dorë fatin e pushtetit.
Bardhi shprehet se Rama dhe Veliaj nuk janë thjesht dy hallexhinj të drejtësisë, por edhe dy bashkëpunëtorë të afërt, ku fati i njërit përcakton fatin e tjetrit.
Deputeti demokrat shton më tej se Rama në reagimin e tij zgjodhi sërish të sulmojë opozitën dhe nuk dha asnjë sqarim në lidhje me vjedhjen e të paktën 22 milionë eurove nga buxheti i Bashkisë së Tiranës.
Reagimi i Bardhit:
Shantazhi i Erion Veliajt ndaj Edi Ramës funksionoi! Nuk janë thjesht dy hallexhinj të drejtësisë, por edhe dy bashkëpunëtorë të afërt, ku fati i njërit përcakton fatin e tjetrit. Prandaj sot Edi Rama mbështeti Erion Veliajn edhe më shumë sesa mbështeti vëllain e tij biologjik Olsi Rama, sepse e di që Erion Veliaj i ka në dorë fatin e pushtetit.
Pasi Gjykata Antikorrupsion urdhëroi SPAK të hetojë edhe Erion Veliajn, Edi Rama zgjodhi edhe kësaj here të sulmojë opozitën. Asnjë fjalë për thelbin e çështjes, asnjë sqarim sesi vjedhja e të paktën 22 milion eurove nga buxheti i Bashkisë Tiranë i shpëtojë syrit të patronazhistëve të tij, që dinë gjithçka për çdo qytetarë, por nuk dinë që Shtabi Elektoral i Erion Veliajt me nje skemë të pastër mashtrimi kanë vjedhur të paktën 22 milion euro.
Çdo Kryeministër i pashantazhueshëm do kishte mbështetur Gjykatën Antikorrupsion që kërkon të hetohet Erion Veliaj, dhe kurrësesi këtë të fundit. Por ky nuk mund të jetë Edi Rama, që në të njëjtën mënyrë si Erion Veliaj, nuk dinë as çfarë bën i vllai, as çfarë bën zëvendësi i tij në Qeveri, as çfarë bëjnë ministrat e tij të korruptuar. Prandaj janë të dy njëlloj hallexhinj të drejtësisë.
Arrestimi i drejtorëve/ Rama: Jam dakord me qëndrimin e Veliajt, të tjerët shpifin!
Veliaj ndjen lagështirën e burgut, një fjalim, 8 servilosje Ramës pas aferës “5D”
