Një aksident i rëndë është regjistruar këtë të hënë, pak pas orës 9:00, në Patrida të Verias në Greqi.
Mediat fqinje raportojnë se një makinë pasagjerësh, e drejtuar nga një 64-vjeçar banues në Naousa, e cila ishte nisur nga Veria për në Naoussa, në lartësinë e stadiumit, ka kaluar në drejtim të kundërt dhe ka rënë në strehën e një stacioni autobusi.
Për pasojë ai ka përplasur për vdekje në një 68-vjeçare, si dhe një 21 vjeçare shqiptare, të cilat ishin duke pritur tek stacioni i autobusit.
Nga përplasja e fortë, 68-vjeçarja ka “fluturuar” mes pjergullës së një banese ngjitur dhe ka rëbë në çimento të oborrit. Ndërsa, 21-vjeçarja shqiptare është tërhequr zvarrë dhe e ka hedhur rreth 10 metra larg.
E reja shqiptare humbi ndjenjat, por nisi të përmendej pasi iu dha ndihma e parë nga stafi mjekësor. 21-vjeçarja u dërgua menjëherë në Spitalin e Verisë, e plagosur rëndë, ku fatkeqësisht humbi jetën pak orë më vonë.
Shoferi 64-vjeçar i makinës ka deklaruar se ndihej keq dhe për këtë dyshohet se ka humbur kontrollin e makinës, duke bërë që ajo të dalë në rrjedhën e kundërt dhe të ketë shkaktuar aksidentin.
Shkaqet e sakta janë duke u hetuar nga Policia Rrugore e Verias. Drejtuesi i mjetit është vënë në pranga dhe ndaj tij rëndojnë akuzat e vrasjes nga pakujdesia.
Sipas mediave greke, shqiptarja kishte shkuar në atë fshat për të vizituar të afërmit e saj.
