Një sherr mes tre personave raportohet të ketë ndodhur një ditë më parë në zonën e Bulevardit të Ri në Tiranë.
Burrë e grua janë konfliktuar me një person të tretë pasi sipas tyre i ka marrë një shumë parash dhe nuk i ka kthyer.
Në videon e publikuar nga JOQ, shihet se si, burrë e grua, nuk i kursejnë grushtat dhe shkelmat ndaj personit tjetër, i cili përpiqet të ikë me vrap.
Pasi merr një shuplakë të fortë, ai thërret me të madhe policinë.
Nuk ka ende një reagim zyrtar nga ana e autoriteteve lidhur me rastin.
