Apeli i GJKKO do të japë ditën e sotme vendimin për kryedemokratin Sali Berisha i cili ka kërkuar lehtësimin e masës së sigurisë “arrest shtëpie” ndaj tij dhe lejimin për të marrë pjesë në seancat plenare. GJKKO është tërhequr për të marrë vendimin, që pritet të jepet rreth orës 15:30.
Gjokutaj tha se SPAK kërkon që Berisha të trajtohet sipas ligjit të të paraburgosurve. Sipas ligjit nuk parashikohet që një i paraburgosur të lejohet të shkojë ne vendin e punës.
I pyetur nëse Berisha rrezikon mandatin, avokati Genc Gjokutaj tha se kjo është strategjia e kreut të qeverisë, Edi Rama, që sipas tij, deri më sot ka arritur ta realizojë këtë skenar. Ai shtoi më tej se do t’i kundërvihen me çdo mjet ligjor.
“Ju e dini që sot gjykimi ishte për kërkesën tonë që Berisha të futej në Kuvendin e Shqipërisë dhe ne paraqitëm pretendimin tonë. Ata nuk pranojnë në mënyrë në absolute. SPAK koncepton që Berisha të trajtohet nga ligji i të paraburgosurve, si një njeri i thjeshtë.
Kjo është strategjia e Ramës dhe e kanë stisur këtë çështje. Këta deri më sot ia kanë arritur që me anë të kësaj gjykate të kapur të realizojnë këtë skenar, ne do ti kundërvihemi me mjetet ligjore. E kemi thënë. Vendimi i gjykatës do të zbardhet në 15:30″, tha Gjokutaj pas daljes nga GJKKO.
