Një ngjarje e paprecedentë raportohet të ketë ndodhur këtë të diel në fshatin Bërdicë të Shkodrës.
Persona ende të paidentifikuar kanë grabitur transformatorin e rrjetit elektrik të këtij stacioni duke lënë pa ujë afro katër mijë banorë.
Nuk dihet ende se kush janë autorët, ndërsa mësohet se kjo nuk është hera e parë që transformatori grabitet.
Sakaq burime nga Policia bëjnë me dije se shoqëria Rajonale e Ujësjellës Kanalizime Shkodër është duke bashkëpunuar me policinë e shtetit për të indetifikuar autorët e kësaj ngjarje në stacionin e ujësjellësit në Bërdicë ndërsa brenda pak ditësh pritet normalizimi i situatës për riparimin e transformatorit të dëmtuar dhe rikthimin e ujit të pijshëm.
