Anëtari i kryesisë në Partinë Demokratike, Aldo Bumçi, ka komentuar pasditen e sotme deklaratat e Philip Hughes, anëtarit të Komisionit të Ambasadorëve Amerikanë, i cili u shpreh se vendimi i shpalljes non grata për ish-kryeministrin Sali Berisha duhet rishqyrtuar, pasi ka shkelje.
I ftuar në Edicionin e Pasdites në Syri Tv, Bumçi u shpreh se reagime nga ndërkombëtarët ka pasur që me dhënien e kësaj mase, teksa tregoi se si kongresmeni amerikan kërkoi informacion për këtë vendim, dhe përgjigjia e vetme që ka marrë është se faktet për zotin Berisha janë të njohura në median ndërkombëtare dhe lokale.
Bumçi: Që në fillim ka pasur reagime por ata kanë ardhur duke u shtuar, por mos harrojmë që kongresmeni amerikan, anëtari i komisionit jashtëm në Kongresin Amerikan, i kërkoi atëherë sekretarit të shtetit, informacion.
Ja bëri këtë në takimet e komisionit dhe me shkrim.
Kishte bërë tre kërkesa dhe më pas i bëri publike dhe tha: Kjo është një histori shumë e çuditshme, e paprecedentë, ku unë kërkoj informacion si kongresmen dhe nuk më jepe asnjë informacion, kërkoj të shkoj në zyrën përklatëse dhe të shikoj dokumentet dhe dosjen përkatëse, prap pa e marrë për ta shikuar, dhe ky takim nuk më jepet.
Po flasim këtu për kongresmenë amerikanë dhe përgjigjia e vetme që ka marrë është se ‘faktet për zotin Berisha janë të njohura në median ndërkombëtare dhe lokale’.
Kemi gjithashtu qëndrimin e e vetë departamentit të shtetit dhënë një mediaje në Shqipëri që faktet për zotin Berisha janë marrë nga qeveria shqiptare, nga OJQ dhe mediat shqiptare.
Pra, që këtu e vërteta duket që dosja ështe bosh.
Kemi pyetur analistë shumë të njohur amerikën që ngrejnë pyetjen ‘pse tani’? Pas 8 vitesh në opozitë, goditet një person që ka dhënë dorëheqjen dhe është jashtë çdo pushteti.
