Deputetja e Partisë Demokratike, Albana Vokshi ka kërkuar këtë të hënë në komisionin e shëndetësisë që ditën e nesërme deputetët e këtij komisioni të shkonin në Urgjencën e Qendrës Spitalore “Nënë Tereza”, për të verifikuar situatën në terren pas zjarrit të rënë në katin e parë në orët e para të mëngjesit të 11 shkurtit.
Por, kjo kërkesë e deputetes demokrate është rrëzuar nga deputetë e Partisë Socialiste, të vilët kanë votuar kundër.
Përmes një postimi në rrjetet sociale, Vokshi shpreh keqardhjen që për deputetët e PS-së nuk është prioritet i qytetarëve. Sipas saj, ata u urdhëruan përsëri që të fshihnin një skandal në kufijtë e një krimi që po sorrollat pacientët sa në një spital në një tjetër duke ju përkeqësuar shëndetin dhe rrezikuar jetën.
Kujtojmë se për zjarrin në urgjencën e QSUT, është nisur një hetim nga Prokuroria e Tiranës, e cila ka regjistruar procedimin penal për veprën penale “Shkatërrimi pronës me zjarr”.
Nga ana e prokurorisë është urdhëruar administrimi i të gjitha provave për të dokumentuar shkakun dhe vlerën e dëmit të shkaktuar, si dhe personat përgjegjës për shkaktimin e dëmit. Me administrimin e akteve proceduriale dhe akteve të ekspertimit do të konkludohet mbi shkakun e rënies së zjarrit dhe vatrës fillestare.
Vlen të thekohet fakti se në muajin Mars të vitit 2023, kryeministri Edi Rama dhe ish-ministrja e Shëndetësisë, Ogerta Menastirliu inaguarn investimin 17 milion euro të rikonstruksionit të QSUT-së, që siç duket miliona euro janë bërë tym dhe hi.
Më herët është raportuar se për shkak të zjarrit tek QSUT, shërbimet jetike mjekësore ende nuk janë futur në funksion, teksa spitali është futur në kolaps.
Postimi i Albana Vokshit:
Deputetët e PS votojnë kundër vajtes dhe verifikimit të situatës ne #Urgjencën e #QSUT.
Sot, në mbledhjen e Komisiinit për shëndetësinë, kërkova që, nesër Komisioni të shkonte në Ugjencën e QSUT për të verifikuar situatën pas rënies së zjarrit.
Përsëri u urdhëruan të fshihnin një skandal në kufinjtë e një krimi që po sorrollat pacientët sa në një Spital në një tjetër duhe ju përkeqësuar shëndetin dhe rrezikuar jetën.
Keqardhje që për deputetët e PS, një pjesë mjekë, nuk është prioritet shëndeti i qytetarëve.
Deputetët e opozitës janë të vendosur për transparencë e llogaridhënie. Të vendosur për rikthimin e funksionit të kontrollit parlamentar.
