Deputetja e Partisë Demokratike, Ina Zhupa ka ndërmarrë një tur takime në gjithë vendin për të kundlrshtuar ligjin për Zonat e Mbrojtuar, të miratuar nga mazhoranca, që i hap rrugë ndërtimeve dhe betonizimit në këto zona.
Ditën e sotme, ajo është ndalur në Pogradec, ku në një prononcim për mediat, është shprehur se nga ky ligj preken dhe liqeni i Ohrit dhe parku i Drilonit.
I ndaklur tek ky i fundit, Ina Zhupa solli në vëmendje reagimin e UNESCO, që ka kërkuar menjëherë të ndërpriten punimet në parkun e Drilonit që po kryhen nga AADF-ja, duke ndërtuar parkingje nëntokësore apo hotele, por Qeveria Rama hesht.
“Ne zgjodhëm Pogradecin në turin që kam nisur për të kundërshtuar ligjin e zonave të mbrojtura sepse ka një dëm të drejtpërdrejtë, që ndodh në zonën e Pogradecit. Siç e dini, lidhet me Liqenin e Ohrit dhe me Parkun Kombëtar të Drilonit. Të dyja këto zona preken nga ligji i zonave të mbrojtura, preken nga betonizimi, preken nga procesi i ndërtimit. Aktualisht UNESCO ka reaguar për Parkun e Drilonit, duke kërkuar që të ndalen menjëherë punimet që po kryhen nga AADF-ja, duke ndërtuar aty parkingje nëntokësore apo hotele dhe kjo ka rënë në një vesh të shurdhër të qeverisë shqiptare. Me hapjen e derës së këtij ligji do kenë mundësi të ndërtojnë në çdo cep të Pogradecit, pranë Liqenit të Ohrit dhe në Drilon e Tushemisht”, tha Zhupa.
Deputetja demokrate tha se turi i takimeve do të vijojë në të gjitha qytetet, nga Qarku i Shkodrës dhe më pas në Fier, pasi ky ligj nuk ka të bëjë me ndarjet partiake, por me betonizimin e hapësirave që përfshihen në zonat e mbrojtura. Zhupa tha se kjo çështje nuk ka lidhje me qëndrimet politike, por me një ccështje që prek të gjithë qytetarët.
“Ne po kërkojmë zbatimin e Kushtetutës dhe nëse nuk zbatohet Kushtetuta për të drejta si pjesëmarrja në komisione hetimore apo Komisioni Zgjedhor, ne nuk kemi pritshmëri që ata të respektojnë Kushtetutën, kur bëhet fjalë për zonat e mbrojtura”, tha Zhupa.
