Nisma Thurje ka reaguar pas aksidentit që ndodhi paraditen e kësaj të diele në TIranë, me protagonist një urban të linjës së “Unazës”.
Duke vënë në pah që ky nuk është aksidenti i parë që autobusët e Green Line të Nadir Çaushollit, përfshihen në aksidente, Nisma Thurje, kërkon që shërbimi i transportit urban të shtetëzohet duke i hequr monopolin kompanisë private CFO Farma.
Përmes një postimi në rrjete sociale, Endri Shabani shkruan se duhet hequr ky model abuziv në të gjitha linjat urbane, dhe ti ofrohet Tiranës një transport publik, pa vënë në rrezik jetën e qytetarëve.
Postimi i plotë i Shabanit
Boll më! Koha për t’ia rikthyer urbanët publikut!
Linja e unazës i është dhënë monopol një operatori privat, me argumentin se e menaxhon më mirë se bashkia.
Sot, për të disatën herë autobuzët e kësaj linje shkaktuan një aksident tjetër në mes të Tiranës.
Është e njëjta linjë që i hodhi qytetarët në Lanë.
Është po e njëjta linjë që mori përpara makinat e parkuara në semafor tek parku rinia.
Është po e njëjta skenë me urbanët privat që marrin përpara tabelat e reklamave, stacionet e autobuzëve apo makinat e qytetarëve.
KJO DUHET TË MARRË FUND!
Pavarësisht shkakut real, apo justifikimit që jepet në media, këto aksidente tregojnë që privati nuk garaton dot jo vetëm cilësinë e shërbimit por as sigurinë e jetës së qytetarëve të Tiranës!
Prej tre vitesh si Nisma Thurje kemi kërkuar inspektimin e këtyre autobuzëve urban, apo raportet e kontrollit teknik nga Drejtoria e Shërbimit Rrugor, por ka patur zero transparencë.
Prandaj nesër do t’i kërkoj zyrtarisht Këshillit Bashkiak dhe kryetari të bashkisë anullimin e kontratës me operatorin privat që menaxhon linjën e unazës.
Ta nisim nga kjo linjë, si hap i parë, për tu shkëputur nga ky model abuziv në të gjitha linjat urbane, dhe për t’i ofruar Tiranës një transport publik.
Kujtojmë se autobusët “Green Line” të Nadir Çaushollit kanë qënë protagonistë të shumë aksidentetve të ndodhura në kryeqytet duke vënë në rrezik disa herë jetën e qytetarëve.
Më 29 prill të vitit 2022, një autobus i linjës së unazës, ku e licencuar është kompania me pronar Nadir Çaushollin përfundoi mes për mes lumit të Lanës. Fatmirësisht, edhe pse ishte përplot me pasagjerë, nga aksidenti i pazakonte nuk pati të lënduar në gjendje serioze.
Dhjetë muaj më vonë, një tjetër autobus i kësaj linje u përfshi në një aksident masiv disa metra në distancë nga aksidenti i mëparshëm.
11 automjete u përfshinë në aksident, gjashtë persona mbetën të lënduar, fatmirësisht jashtë rrezikut për jetën. Mes këtyre dy aksidenteve më të bujshme janë regjistruar edhe disa të tjerë ku protagonistë sërish kanë qenë autobusët e Green Line të Nadir Çaushollit.
LEXO EDHE:
Tmerr në Tiranë! Autobusi i Nadir Çaushollit merr para disa makina, shumë të plagosur
Autobusi i Nadir Çaushollit pëson defekt, fiket te kryqëzimi i rrugës së Elbasanit
Ndodh sërish, autobusi i “Green Line” aksidentohet në Tiranë
Ndodh sërish! Autobusi i Nadir Caushollit tjetër aksident në Tiranë (VIDEO)
Precedentët/ Rreziku i paralajmëruar nga autobusët e Çaushollit, mikut të lali Erit
