Bashkimi i dy grupimeve të deputetëve të Partisë Demokratike, ai i Sali Berishës dhe grupimi i Gazment Bardhit, pritet të sjellë ndryshime dhe në strukturat e kësaj force politike.
Ora News raporton se në mbledhjen e Këshillit Kombëtar ditën e martë, Gazment Bardhi dhe Agron Gjekmarkaj do të zyrtarizohen në postin e nënkryetarit të PD-së. Ata do ti shtohen Luçiano Boçit dhe Oerd Bylykbashit që e kryejnë aktualisht këtë detyrë.
Burime për median bëjnë me dije se do të ketë ndryshime edhe në Kryesinë e Partisë Demokratike, ku Gazment Bardhi do të futë disa prej deputetëve.
Raportohet se deputetët që do t’i shtohen Kryesisë janë: Dhurata Cupi, Zheni Gjergji, Tomor Alizoti, Ferdinand Xhaferri, Helidon Bushati dhe Ervin Salianji, së bashku me Bardhin dhe Gjekmarkajn që do jenë anëtarë kryesie për shkak të funksonit.
Gjithsesi, pritet pasditja e të martës për t’u parë se çfarë do të ndodhë në mbledhjen e Kryesisë së PD-së.
