Gjykata e Durrësit ka dhënë sot masën e sigurisë për Armando Sulejmani, i njohur ndryshe si “Çipuri”, dikur pjesë e bandës së Gaxhait në Vlorë.
Togat e zeza kanë lënë në burg me afat 2 muaj për Sulejmanin. Gjyqtarja Shpëtime Pitaku e vlerësoi këtë periudhë të mjaftueshme për prokurorinë për të dokumentuar akuzën e ngritur ndaj tij për vjedhje automjeti.
Sulejmani u arrestua më 22 shkurt, teksa lëvizte me një mjet me targa të vjedhura bashkë me një tjetër automjet më 3 Masrs 2023. Policia iu vu pas, pasi ai nuk i ndaloi një postblloku.
Gjatë seancës gjyqësore, “Çipuri”, ka mohuar akuzat duke thënë se automjeti me të cilën lëvizte nuk ishte e tij, por e kishte marrë në përdorim.
“Makina është e shokut jo e imja, e kam marrë në përdorim. Nuk kam asnjë lidhje me vjedhjen e makinës “Range Rover” në Tiranë. Makina me të cilën udhëtoja i përket një shokut tim. Nuk kisha dijeni se në bagazh ndodheshin targa të një makine tjetër ”, ka thënë ai.
Sulejmani kishte lidhje të ngushta me Gëzim Sinomatin, i cili u ekzekutua me snajper në ballkonin e banesës së tij në Vlorë, pak kohë më parë. Kujtojmë se “Çipuri” i ka shpëtuar disa atentateve që janë bërë ndaj tij ndër vite.
