Detaje të reja kanë dalë në dritë nga ngjarja e rëndë që u raportua në Durrës mëngjesin e kësaj të premte, ku 19-vjeçarja Hygerta Meta ka vrarë babanë e saj Pëllumb Meta 49-vjeç.
50-vjeçari ishte denoncuar i zhdukur 10 ditë më parë nga familjarët. Pas kallëzimit për zhdukjen e tij, policia ka nisur hetimet dhe kanë zbuluar se Pëllumb Meta është vrarë në një kasolle pranë banesës dhe varrosur më pas në oborrin e shtëpisë.
Dinamika
Familja përbëhej nga 6 pjesëtar, 3 fëmijët (2 djem dhe 2 vajza) dhe 49 vjeçari dhe gruaja e tij. Jetonin në fshatin Shënavlash.
Një nga djemtë ka bërë denoncim se babai ka humbur dhe policia ka nisur hetimet dhe kontrollet dhe kanë gjetur fillimisht makinën e të ndjerit të parkuar në aksin Shënavlash-Parku Rinia që ishte shumë larg nga banesa e tij. Policia kishte dyshime se kishte të bënte me një ngjarje kriminale dhe nisi marrjen në pyetje të gjithë familjes dhe ajo që ka treguar ngjarjen ka qenë vajza 19-vjeçare e cila pasi është marrë disa herë në pyetje ka treguar se ajo ka vrarë babanë e saj sepse donte ta fejonte pa dëshirë dhe kishin pasur konflikte edhe më parë.
Sipas dëshmisë së saj ajo ka deklaruar se e ka vrarë babanë pranë banesës në kasolle me një pistoletë për të cilën ajo pretendon se e mbante i ati pasi ky i fundit punonte si roje nate. E bija në dëshmi deklaron se pasi e ka vrarë me armë zjarri e ka varrosur të atin në oborrin e banesës. Është bërë zhvarrosja e trupit të 49-vjeçarit dhe nga kqyrja paraprake është vërejtur që e kishin lidhur me litar para se ta varrosnin.
Policia po vijon hetimet për të zbardhur plotësisht ngjarjen sepse dyshon se mund të ketë edhe bashkëpunëtorë.
Dëshmia e vajzës:
“Doja të ndiqja ëndrrat e mija, të vazhdoja shkollën. Dita më e lumtur e jetës time ka qenë kur fitova shkollën. Ai donte të më fejonte me dike që nuk ishte në nivelin tim. Me një djalë nga fshati, emigrant në Itali. Por unë nuk doja dhe e vrava.”, mësohet të jetë shprehur e reja para policisë.
Sakaq në pyetje u mor dhe familja e pretendentit për të bërë krushqi, që ishin në të njëjtin fshat me viktimën. Ata thanë se viktima iu kishte dhënë fjalën se do të fejonte vajzën e tij me djalin e tyre, madje dhe ata ishin dakord për këtë fejesë.
