Drejtori i Agjencisë së Kadastrës në Lezhë, Gentian Malotaj dhe përgjegjësi i legalizimeve, Artur Shabaku janë pezulluar nga detyra.
Malotaj dhe Shabaku janë vënë nën hetim nga prokuroria e Lezhës për veprën penale “Shpërdorim Detyre”, dhe në kuadër të këtij hetimi prokurorja e Lezhës Iva Harka ka kërkuar pezullimin e tyre nga detyra, kërkese që është miratuar nga Gjykata e Lezhës. Sipas prokurorisë, dy zyrtarët e lartë të kadastrës janë përgjegjës për legalizimin e një pallati në zonën e Kunes në Shëngjin, në kundërshtim me ligjin.
Vendimi i pezullimit është ankimuar në gjykatën e apelit Tiranë.
Pak ditë me parë, u pezulluan dhe 11 punonjës me akuzën për moszbatimin e një vendimi gjykate për mos kthimin në shtet të një sipërfaqe toke të tjetërsuar në zonën e Ranës e së Hedhur në Shëngjin.
