Forcat “Shqiponja” në bashkëpunim me ato Operacione kanë arrestuar në Tiranë një të ri, të shpallur në kërkim ndërkombëtar nga drejtësia gjermane.
Në kuadër të operacionit policor të koduar “Weekend” është vënë në pranga shtetasi Aneo Buzi, 29 vjeç. Ai është kapur në bulevardin “Zhan D’Ark”, teksa është dënuar për pengmarrje, grabitje me armë, heqje të paligjshme të lirisë dhe plagosje të rëndë me dashje.
“Ky shtetas ishin shpallur në kërkim ndërkombëtar, pasi Gjykata Lokale e Osnabruck, Gjermani, e ka dënuar me 6 vjet e 6 muaj burgim, për veprat penale “Pengmarrja”, “Grabitja me armë”, “Heqja e paligjshme e lirisë”, dhe “Plagosja e rëndë me dashje”, parashikuar nga Kodi Penal i Gjermanisë.” – thuhet në njoftimin e Policisë.
Interpol Tirana vijon procedurat për ekstradimin e 29-vjeçarit drejt Gjermanisë.
