Një automjet është qëlluar me armë zjarri në rrugën Shkodër-Hanin Hotit. Ngjarja ka ndodhur pranë rrethrrotullimit të Koplikut.
Mësohet se drejtuesi i automjetit është aksidentuar dhe është larguar duke braktisur automjetin e tij.
Në vendngjarje kanë mbërritur forcat e policisë dhe kanë nisur hetimet për zbardhjen e plotë të ngjarjes.
Automjeti raportohet se është qëlluar në ecje e sipër dhe për t’i shpëtuar plumbave është aksidentuar dhe është përplasur në bordurën e një karburanti.
Njëra anë e makinës është dëmtuar për shkak të përplasjeve që mund të ketë patur ose me makinën e autorëve ose në ndonjë vend tjetër. Po ashtu edhe gomat janë të dëmtuara plotësisht.
Ndërkohë 5 plumbat makina i ka në pjesën e pasme të saj tek bagazhi.
Janë ende të paqarta motivet e kësaj ngjarje ndërsa policia vijon hetimet për të bërë identifikimin e autorëve dhe zbardhjen e ngjarjes.
