Ish-ambasadori i Shqipërisë në SHBA dhe Kombet e Bashkuara Agim Nesho tha për “Fox News Digita”l, se mungesa e ndikimit të kryeministrit Rama në Kosovë, sidomos me kryeministrin Albin Kurti, i ndërlikon gjërat dhe se bashkëpunimi i ngushtë i Ramës me Vuçiçin në projekte të shumta në rajon e ka njollosur besueshmërinë e tij, duke e bërë atë një ndërmjetës joefikas në sytë e Kosovës.
Ai sjell në vë mendje se Rama është bashkëdrejtues i nismës “Ballkani i Hapur”, një propozim që do të lehtësonte një qarkullim më të lirë të njerëzve dhe mallrave në të gjithë Ballkanin. Shumë njerëz në Shqipëri dhe në të gjithë Ballkanin e kundërshtojnë nismën për shkak të frikës se ajo është një dredhi e Serbisë për të zëvendësuar tregun e përbashkët rajonal të Europës dhe do të kërcënonte dëshirën e vendeve të Ballkanit për t’iu bashkuar BE-së.
“Vizita e Sekretarit Blinken, edhe pse në dukje mbështetëse, vjen në një kohë kur mbështetja e gjatë e Departamentit të Shtetit për nismën e Ballkanit të Hapur, e bazuar në partneritetin Rama-Vuçiç si katalizatorë për stabilitetin rajonal, është nën lupë”, tha Nesho për Fox News Digital.
“Aktualisht, animi i Vuçiçit drejt Rusisë dhe pozita e zvogëluar e Ramës si lider i akuzuar për korrupsion, i cili në dukje ka humbur mbështetjen e popullit shqiptar, paraqet një pamje të zymtë”, shtoi Nesho.
