Kuvendi i Shqipërisë mblidhet sot në seancë plenare, ku në rend të ditës janë disa pika, mes tyre edhe një interpelancë urgjente me Edi Ramen për çështjen “Ahmetaj” e kërkuar nga grupi i “vulës” së Lulzim Bashës.
Kujtojmë që prej disa muajsh seancat parlamentare në Shqipëri nuk zhvillohen në mënyrë normale, pasi opozita nuk e lejon. Kjo për shkak se sipas saj Kuvend ka shkelur rregulloren dhe nuk ka miratuar ngritjen e komisioneve hetimore që ajo ka kërkuar.
Rendi i dites
Interpelancë urgjente me Kryeministrin, zotin Edi Rama, kërkuar nga një grup deputetësh të Partisë Demokratike.
Projektligj “Për një shtesë në ligjin nr. 7651, datë 21.12.1992, “Për festat zyrtare e ditët përkujtimore”, të ndryshuar.
Projektligj “Për disa shtesa dhe ndryshime në ligjin nr. 155/2015 “Për lojërat e fatit në Republikën e Shqipërisë”, të ndryshuar.
Projektvendim “Për disa ndryshime në vendimin e Kuvendit nr. 127/2018 “Për miratimin e strukturës, organikës dhe kategorizimit të pozicioneve të punës të Institutit të Statistikave, INSTAT”.
Projektvendim “Për miratimin e strukturës organizative, organikës dhe klasifikimit të pagave të punonjësve me kohë jo të plotë të Komisionit Qendror të Zgjedhjeve”.
Diskutime për çështje jashtë rendit të ditës.
