Tre të rinj janë arrestuar pasi ishin të shpallur në kërkim për vepra të ndryshme penale. Sipas policisë së Tiranës në pranga kanë rënë një 32-vjeçar banues në Fushë Lurë, dhe dy shtetas të tjerë 30-vjeç, të dy banues në Tiranë.
32-vjeçari rezultonte i shpallur në kërkim për veprën penale “Plagosja e lehtë me dashje”, kryer në bashkëpunim; ndërsa dy shtetasit e tjerë janë arrestuar pasi Prokuroria Pranë Gjykatës së Shkallës së Parë të Juridiksionit të Përgjithshëm Tiranë, ka dërguar urdhër për ndalimin e tyre, sepse dyshohet se në bashkëpunim me njëri-tjetrin, kanë kryer vjedhje të ndryshme, në Tiranë.
“Strukturat e Komisariatit të Policisë Nr. 3, në zbatim të masave të hartuara në kuadër të megaoperacionit policor të koduar “Sundimi i ligjit”, bazuar në informacionet e siguruara në rrugë operative, mbi vendndodhjen e tre shtetasve në kërkim, kanë intensifikuar kontrollet për kapjen dhe vënien e tyre, përpara përgjegjësisë ligjore.
Si rezultat i kontrolleve, janë kapur dhe ndaluar shtetasit:
– A. K., 32 vjeç, banues në Fushë Lurë, shpallur në kërkim për veprën penale “Plagosja e lehtë me dashje”, kryer në bashkëpunim;
– E. M., 30 vjeç, dhe R. K., 30 vjeç, të dy banues në Tiranë, pasi Prokuroria Pranë Gjykatës së Shkallës së Parë të Juridiksionit të Përgjithshëm Tiranë, ka dërguar urdhër për ndalimin e tyre, sepse dyshohet se në bashkëpunim me njëri-tjetrin, kanë kryer vjedhje të ndryshme, në Tiranë.“- njofton policia.
Megaoperacioni “Sundimi i ligjit” vazhdon.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
