Që kur Ferrari njoftoi një javë më parë nënshkrimin e Lewis Hamilton duke filluar nga viti 2025, Charles Leclerc nuk ka folur publikisht, ndryshe nga piloti tjetër Sainz, i cili në mënyrë elegante ra dakord për një marrëveshje që do ta lërë jashtë Maranello-s për vitin e ardhshëm.
Leclerc, i cili sapo kishte firmosur rinovimin me Skuderinë e Ferrarit, me një kontratë deri në vitin 2029, nuk ishte në dijeni të negociatave me Hamilton.
E përditshmja ‘Corriere dello Sport’ thekson se piloti monegask dhe menaxheri i tij janë të shokuar dhe të zhgënjyer nga vendimi i Ferrarit, pasi italianët nuk i kanë njoftuar për afrimin e Leëis Hamilton. Sipas versionit të gazetës, Leclerc ka zgjedhur të mos e bëjë publik zemërimin e tij për të mos shfaqur shenja dobësie.
Për më tepër, 26-vjeçari dhe menaxheri i tij nuk i besuan spekulimet për pagën stratosferike që do të marrë Hamilton, që e cila sipas ‘Daily Mail’ do të jetë rreth 100 milionë euro ku përfshihen sponsorizimet, të drejtat e imazhit dhe paga fikse.
Më 13 shkurt, 2 pilotët e Ferrarit, Leclerc dhe Sainz do të dalin para mediave së bashku për të prezantuar makinën e re të Ferrarit, “SF-24”, për sezonin e ri.
