Një 26-vjeçar është arrestuar në Durrës pasi ishte i shpallur në kërkim nga autoritet italiane, për trafikim të lëndëve narkotike. Në pranga u vu Kevin Kurti.
Arrestimi i tij është bërë me qëllim ekstradimin drejt Italisë, pasi autoritetet atje kanë caktuar ndaj 26-vjeçarit, masën e sigurisë “Arrest në burg”, për veprën penale “Trafikimi i lëndëve narkotike”, kryer në bashkëpunim.
Ai akuzohet se në bashkëpunim me shtetas të tjerë, ka trafikuar dhe ka shitur, lëndë narkotike të ndryshme.
“Gjatë operacionit, në Durrës, u lokalizua, u kap dhe u arrestua provizorisht, për t’u ekstraduar në Itali, shtetasi i shpallur në kërkim ndërkombëtar K. K., 26 vjeç. Autoritetet në Itali i kanë caktuar 26-vjeçarit, masën e sigurisë “Arrest në burg”, për veprën penale “Trafikimi i lëndëve narkotike”, kryer në bashkëpunim, sipas përcaktimeve të Kodit Penal të Italisë. Shtetasi K. K. akuzohet se në bashkëpunim me shtetas të tjerë, ka trafikuar dhe ka shitur në Itali, lëndë narkotike të ndryshme. Interpol Tirana dhe Interpol Roma po bashkëpunojnë për ekstradimin e këtij shtetasi”,– thuhet në njoftimin e policisë.
