Gazetari Klodian Tomorri tha në studion e MCN Economy se euforia e kryeministrit Edi Rama për naftën në Shpirag është e tepërt.
Duke vijuar më tej, Tomorri theksoi se ARMO nuk ka qenë aset, por fitimi aty nxirrej pasi taksat liheshin pa paguar. Duke cituar ekspertët, gayetari bëri me dije se që një rafineri të jetë rentabël duhet të jetë 5 herë mbi kapacitetin e ARMO-s
“Që Shqipëria është vend i pasur me naftë është i faktuar. Nafta vijon të shfrytëzohet prej dekadash, shfrytëzohet edhe sot. Nuk është halli vetëm të kesh rezerva, duhet të jenë edhe komerciale, mund të kesh rezerva që nuk e justifikojnë investimin që bëhet për t’i nxjerrë ato. Ky është debati që bëhet për zbulimin e SHELL. E dimë që ka naftë. Është zbuluar që në vitet ’50. Rama ishte optimist në gusht, tha brenda dhjetorit do të kemi përgjigje. Madje filloi të ndante dhe paratë. Afati i dhjetorit nuk u arrit për shkak se u vonuaN pajisjet për proceset e testimeve. Procesi ka nisur një muaj më parë, rezultatet priten në mars. Ka ekspertë që thonë e gjithë kjo eufori është e tepër. Ka një fakt të thjeshtë. Ok teknologjia avancon, ka teknologji të avancuara që bëjnë të mundur nxjerrjen e rezervave, por një miku im thotë që po të kishte naftë që mund të nxirrej do e kishte nxjerrë Enver Hoxha. Gjithë këto deklarata të kryeministrit janë eufori.
ARMO nuk ka qenë aset, ata e merrnin e vidhnin, linin taksat pa paguar. Fitimi nxirrej se linin taksat pa paguar ata që e kanë shfrytëzuar nga 2009 kur u privatizua deri ditën që e shitën për skrap. Nuk ka prodhuar vlerë, është vjedhur. Kur është bërë privatizimi i ARMO-s qeveria pati kontraktuar PATON BOX-in si konsulentë. I kam takuar dy ekspertët që kanë bërë fizibilitetin, i pyeta sa është vlera tregtare e kompanisë dhe më thanë është negative. Një rafineri që të jetë rentabël, duhet të jetë më e madhe se kapacitete që kishte ARMO. Minimalisht duhet të ishte 5 herë mbi kapacitetin e ARMO-s.” – tha Klodian Tomorri.
