Bujqit kanë ndezur zjarre dhe kanë hedhur fishekzjarrë në drejtim të ndërtesës së Parlamentit Evropian duke përkeqësuar protestën për çmimet e larta, rregullat dhe burokracinë për produktet bujqësore.
Ata kanë mësyrë ndërtesën e Parlamentit Evropian në kohën kur liderët e BE-së po merrnin pjesë në samitin e muajit janar.
Me këtë protestë, bujqit po bëjnë përpjekje që qeveria të lëshojë pe dhe të ofrojë çmime më të mira për produktet bujqësore dhe të ketë më pak procese burokratike.
Protesta me traktorë janë mbajtur edhe në Francë dhe Itali. Bujqit belgë kanë kritikuar qeverinë për marrëveshjet tregtare me Kilin dhe Zelandën e Re.
Ata kanë insistuar se tregjet e Belgjikës janë mbushur me produkte me kualitet më të dobët nga këto dy shtete dhe se ata janë duke punuar me humbje.
Mirëpo reagimi i tyre kishte efekt, pasi BE-ja ka prezantuar planin për mbrojtjen e bujqve evropianë nga eksporti i lirë nga Ukraina dhe shtetet e tjera.