Gazetari Enton Abilekaj thotë se situata politike në vend është e paprecedentë teksa shton se kurrë më parë nuk ka pasur një jetë politike të organizuar nga kryeministri. I ftuar në studion e emisionit “Opinion” në Tv Klan, Abilekaj shprehet se opozita ka treguar se parlamenti nuk funksionon.
Enton Abilekaj: E paprecedentë. Nuk ka qenë kurrë kështu, as në kohën e Berishës së parë. Kurrë nuk ka pasur një jetë të tillë të organizuar nga kryeministri, ku opozita nuk ka asnjë të drejtë dhe nuk bën dot politikë. Propozimet e opozitës edhe për amandamente nuk janë pranuar. Nëse opozita nuk do të ishte atje, ne nuk do të ishim këtu. Opozita ka treguar që parlamenti nuk funksionon. Nga studioja nuk ndikon në vendimmmarrje.
Gjatë fjalës së tij, Abilekaj është shprehur se opozita është nxjerrë nga loja dhe nuk ka më asnjë mjet për të kontrolluar qeverinë.
Enton Abilekaj: Kjo situatë është e qartë sepse opozita është nxjerrë nga loja, nuk ka asnjë mjet më për ta kontrolluar qeverinë. Komisionet hetimore nuk i ka. Çfarë të diskutosh në një sallë që nuk merret parasysh mendimi i opozitës.
Sipas Abilekajt, qeveria ka investuar që opozita të përçahet dhe të mos funksionojë.
Enton Abilekaj: Rama duke vrarë demokracinë brenda partisë së vet… Partitë kazermë këtë kërkojnë, lider autoritar që të marrë të gjithë pushtetet. Do të vijë kjo pikë kur qeveria investon që opozita të përçahet dhe të mos funksionojë, ta blejë ose ta denigrojë dhe pastaj kemi këtë situatë.
