Një sherr që ka degraduar në përplasje fizike dhe të shtëna armësh ka ndodhur në Greqi mes dy grupeve, në lagjen Lenorman në Athinë. Përleshja e cila nisi për kontrollin e grupeve që grumbullojnë metale dhe materiale të riciklueshme në koshat e plehrave të Athinës, çoi në arrestimin e 6 shqiptarëve.
Në pranga kanë rënë 6 shqiptarët: Lulëzim Zerellari, Arif Ferhati, Ibraim Kallafi, Qibrie Zerellari, Sokol Lato, Maria Lato, dhe një shetase greke: Kristina Cakiri.
Në cilësinë e provës materiale u sekuestruan një automjet, krehër fishekësh të pistolete 9mm, gëzhoja të kalibrit 9mm nga një armë pistoletë e cila nuk u gjet, shuma para kesh prej afro 2000 eurosh si dhe leva, shkopinj dhe thika të përdorura prej grupeve gjatë përleshjes mes tyre.
Ndërkohë autoritetet bëjnë me dije se lidhur me ngjarjen janë shpallur në kërkim gjithashtu mbi 20 vetë.
