Anëtari i kryesisë së Partisë Demokratike, Belind Këlliçi, shprehet në një reagim në Facebook se përfshirja e SPAK në procese të porositura politike, i demotivon shqiptarët se në vendin e tyre do të ketë ndonjëherë drejtësi.
Deklarata e tij vjen pasi Berisha u paraqit këtë të Martë në Prokurorinë e Posaçme, ku ishte thirrur për tu marrë në pyetje për herë të parë, për çështjen e privatizimit të ish-kompleksit sportiv “Partizani”.
Këlliçi shprehet se kjo është hera e parë në historinë e popullit shqiptar që pastrimi etnik bëhet nga një shqiptar dhe shton më tej se kjo është arsyeja pse sot më shumë se kurrë, duhet të përkrahim opozitën dhe aksionin e saj.
“Përfshirja e #SPAK në procese të porositura politike, i demotivon shqiptarët se në vendin e tyre do të ketë ndonjëherë drejtësi.
Kur gjyqësori nënshtrohet nga diktati i pushtetit ekzekutiv, pak vend ka për besim ndaj institucioneve. Shqipëria boshatiset edhe për shkak të mungesës së besimit tek institucionet e shtetit. Në 11 vjet qeverisje, Rama i bëri Shqipërisë pastrim etnik. Ikën plot 1 milionë qytetarë.
Hera e parë në historinë e popullit shqiptar që pastrimi etnik bëhet nga një shqiptar. Prandaj sot më shumë se kurrë duhet të përkrahim opozitën dhe aksionin e saj.
E vërteta është arma më e pathyeshme në botë“- shkruan ai.
