Ish-kryeministri Sali Berisha ka folur sot për mediat pas daljes nga SPAK, ku u thirr për të dëshmuar mbi dosjen “Partizani”.
Berisha ka ngritur sërish akuza ndaj sistemit të drektësisë si vegël e kryeministrit Rama për të asgjësuar opozitën, ndërsa i cilësoi hetuesit si një grup kriminal të angazhuar në shpërbërjen e opozitës.
Berisha: Pasi i pyeta pse jetoni në këtë terror kaq të madh…. Të hysh aty, nuk mund ta imagjinoni, se cfarë masash sigurie, se ka njeri kohë të merret me ata. U thash, se Sali Berisha është këtu me parimin se cdo njeri që thirret duhet të paraqitet për t’u marrë në pyetje dhe kjo ka qenë qëllimi kryesor i ndryshimit të Kushtetutës në vitin 2012, për heqjen e imunitetit. Kam ardhur t’ua them në sy, në emër të të gjithë demokratëve, të gjitha ato që prej dy vitesh kam denoncuar Edi Ramën dhe ju, si mercenar që përdoreni prej tij. Ju thash, kam ardhur të shemb piramidën e turpshme të mashtrimit që keni ndërtuar, me mashtrime dhe falsifikime, që nuk ka asnjë gjë të vërtetë, vetëm zbatim të porosisë politike. Ju, u thash si grup i strukturuar kriminal jeni angazhuar në një betejë kundër opozitës dhe u thash se do të merrni ndëshkimin e merituar.
