Shefi i kabinetit në Partinë Demokratike, Akil Kraja është shprehur se Parlamenti Evropian në miratimin e projekt-rezolutës për Shqipërinë bëri një skaner të një vendi ku drejtësia shpalos problematika anormale të cilat nuk janë në linjë me standartet europiane, duke listuar të gjithë fokusin e pikave të përmbajtura.
Kraja tha se Rama po i jep goditje procesit të intergrimit në BE duke vazhduar me diskursin e tij poshtërues ndaj Bashkimit Europian, teksa sjell në vëmendje skandalin e deklaratës për qytetarët grek.
“Është një dokument në 16 faqe i cili jep një parashkrim 360 gradë të situatave ekonomike, sociale, politike të Shqipërisë. Aty ceken të drejtat politike sic është rasti Beleri ku përflitet qartazi një gjyq politik në shkelje të të drejtave më themelore politike europiane. Aty përmendet çështja e reformës zgjedhore e cila kërkohet sipas normave europiane çka do të thotë që Rama e Basha nuk janë të tillë. Aty përmenden akte të dhunës, të krimit të organizuar në shoqërinë shqiptare e cila nxit shpopullimin tragjik. Aty përmenden ajo që është tematikë e qytetarëve shqiptar, pritja e emigrantëve nga Afganistni apo Lindja e Mesme. Këto masa që sapo citova futen tanimë në një korridor, fundi i cili dihet, që është negocimi një më një i rikthimit në normalitet i asaj që kërkon opozita prej muajsh, prej vitesh, fund regjimit të Edi Ramës.
Jemi shumë afër kushtëzimit të mëtejshëm të Shqipërisë. Nuk do të hapen kapitujt për tu negociuar, nuk do të ketë disbursime fondesh, siç janë bllokuar fondet europiane për bujqësinë për shkak të korrupsionit për AZHBR.
Jemi në një ngadalësim, në një goditje për procesin e intergrimit dhe kjo ka vetëm një autor, një përgjegjës, ai është kryeministri Edi Rama, i cili jo më larg se dje përsëri vazhdon të flasë me një diskurs shantazhues, poshtërues prej injoranti ndaj Bashkimit Europian duke thënë ‘kaq qindra mijëra euro merr një qytetar grek nga BE, kaq qindra euro një shqiptar’. Po sigurisht se ne nuk jemi anëtar, ne nuk jemi mjerisht për shqiptarët në ato standarte europiane të një demokracie të konsoliduar. “, tha Kraja per Syri tv
