Të tjera dëshmi janë zbardhur lidhur me krimin që ndodhi në Greqi, ku shqiptari Fatmir Terallarit, vrau kunatin e tij Erjon Pelivani pas dyshimeve se i kishte përdhunuar të bijën për 9 vite.
Gruaja e Tarellarit ka folur ditën e sotme për mediat vendase, teksa është shprehur se nuk e di nëse vëllai i saj mund ta ketë bërë vërtetë këtë akt apo jo, por edhe nëse është e vërtetë, sipas saj i shoqi nuk duhej ta kishte ekzekutuar.
“Nuk besoj që vëllai im të ketë bërë diçka të tillë, sepse nuk di gjë. Por edhe nëse e ka bërë, ka ligje. Nuk duhej të vriste vëllain tim, na ka vrarë të gjithëve me atë që ka bërë, të gjitha u shembën. Ka ligje për të vënë të gjithë në vendin e tyre dhe le të jetë vëllai im. Por jo për ta vrarë. Prindërit erdhën, po qajnë, janë çmendur, duhet t’i marr të gjitha vetë mbi supe”, ka deklaruar ajo.
Ndërkohë, 50-vjeçari shqiptar Fatmir Tarellari është liruar ditën e sotme, pasi gjykata ka caktuar ndaj tij masën e sigurisë “Arrest në shtëpi”.
