Moti i keq me stuhi e reshje shiu ka goditur Francën dhe Gjermaninë ditët e fundit duket shkaktuar përmbytje në disa rajone.
Mediat vendase shkruajnë se nisur nga situata alarmante, dy shtetet kanë kërkuar ndihmë nga vendet e tjera të BE-së.
Franca iu përgjigj thirrjes, duke ofruar ndihmë për Gjermaninë, e cila përfshinte barriera për frenimin e përmbytjeve dhe 16 automjete. Nga ana tjetër, pompa uji të shumta pritet të nisen nga Holanda, Çekia dhe Sllovakia për në Francë.
Shumë vende të tjera fqinje si Austria, Hungaria, Suedia, Sllovenia dhe Sllovakia kanë ofruar gjithashtu ndihmën e tyre në rast nevojash të mëtejshme, shkruajnë mediat e huaja.
“Me fillimin e vitit të ri, solidariteti i BE-së nuk lëkundet. Edhe një herë, ndihma e shpejtë dhe vendimtare e Mekanizmit të Mbrojtjes Civile të BE-së për rajonet e goditura nga përmbytjet e Gjermanisë dhe Francës qëndron si një dëshmi e forcës së unitetit”, tha Komisioneri për Menaxhimin e Krizave Janez Lenarcic.
Megjithatë, situata aktuale e përmbytjeve për shkak të shirave të dendur është një rast i pakëndshëm që ka shkaktuar panik edhe tek banorët.
