Grupi i hakerave iranianë, i ashtuquajturi “Homeland Justice”, në një mesazh të dërguar mëngjesin e sotëm në Telegram krahas disa fotove ku Ilir Meta, Monika Kryemadhi, Grida Duma, Edi Paloka dhe Edmond Spaho pozojnë me kryetaren e opozitës iraniane, Maryam Rajavi, që jeton në Manzë të Durrësit, shprehen se çdo kontakt dhe fotografim me terroristët do të ketë pasoja të pariparueshme.
“Rruga e gabuar do të thotë asgjësim
Çdo kontakt dhe fotografim me terroristët do të ketë pasoja të pariparueshme për ju”– shkruajnë hakerët krahas fotove.
Mesa duket, hakerët do publikojnë informacione të ndryshme në vijim, ashtu siç edhe kanë paralajmëruar.
Kujtojmë se ditën e hënë (25 dhjetor), hakerët e “Homeland Justice” sulmuan dhe hakeruan të dhënat e kompanisë telefonike “One Albania”, kompanisë ajrore “Air Albania” dhe faqen e Kuvendit.
