Prokuroria në Holandë ka kërkuar 3 vjet burg për një shtetas shqiptar, i cili ka tentuar të ndihmojë një të burgosur të arratiset nga burgu.
Mediat e huaja shkruajnë se shqiptari i kishte premtuar të burgosurit (shtetasit Brian B), se do ta nxirrte nga burgu me një dron special, të cilin e kishte porositur nga Dubai, tek një bashkëpuntor i tij. Sipas Shërbimit të Prokurorisë Publike, Brian P. do të fluturonte mbi murin e burgut me dron dhe më pas duhej të hipte në një makinë të vjedhur, me drejtues një shqiptar dhe më pas do të ikte në Shqipëri.
Por skenari i tyre ka dështuar pasi është zbuluar nga autoritetet. Sipas organeve të drejtësisë, tre të dyshuarit që planifikuan të lironin nga burgu Brian P, janë pjesë e një organizate kriminale.
Prokuroria ka kërkuar burg për tre të akuzuarit, (dy shqiptarët dhe një shtetas tjetër), identitieti i të cilëve ende nuk bëhet me dije. Gjykata do të marrë vendimin e saj më 19 janar 2024.
