Sot do të luhen 2 sfidat e fundit që do të mbyllin javën e 18-të në Superiore dhe vitin 2023.
Në orën 13:30 do të luhet superdueli Egnatia-Tirana. Dhe pse Egnatia mban vendin e parë në renditje, bardheblutë shkojnë me ndjenjë superioriteti në transfertë.
15 ndeshje janë luajtur mes dy skuadrave në total. Nga këto, Egnatia ia ka dalë të fitojë vetëm 2 takime dhe 2 të tjera kanë përfunduar barazim. Tirana në anën tjetër 11 fitore duke qenë dhe “mace e zezë”.
Bie në sy se dy fitoret e arritura nga Egnatia janë pikërisht dy përballjet e fundit. E para ishte në Kupën e Shqipërisë, ku fitorja i dha Egnatia dhe kupën e parë në histori. E dyta ishte sfida e parë e luajtur mes tyre për këtë sezon.
Ndërkohë në orën 17:00 Partizani do të presë Erzenin. Të kuqtë vijnë me moralin lart pasi fituan trofeun e parë të sezonit ndërsa shijakasit për tju larguar fundit.
