Kryetari i Partisë Demokratike, Sali Berisha, ka uruar këtë të dielë të gjithë besimtarët e krishterë për festën e Krishtlindjes, e cila kremtohet mesnatën e sotme.
Përmes një postimi në rrjete sociale, Berisha shkruan:
“Gëzuar Krishtlindjet
Të dashur miq, sonte është nata e lindjes së Hyijt, Krishtit Mbret, nata më magjepsëse për të gjithë besimtarët e krishterë në Shqipëri dhe mbarë botën. Prandaj dhe le të urojmë ne së bashku përzemërsisht miqtë tanë të krishterë kudo që janë Gëzuar Krishtlindjet, magjia e kësaj nate le të shndërrohet në eliksirin e jetës, në mirësi, gëzime, shpresë, besim e forcë për çdo njërin prej jush, për të gjithë besimtarët e Zotit, për mbarë shqiptarët.
Krishti Mbret ju bekoftë! Gëzuar! #sb”
