Dy shtetas janë arrestuar nga policia në Shkodër, pasi akuzohen për vepra të ndryshme penale. Blutë bëjnë me dije se në pranga ka rënë një 31-vjeçar i cili ishte shpallur në kërkim për mashtrim dhe një 66-vjeçar i cili akuzohet për armëmbajtje pa leje.
“Specialistët për Hetimin e Krimeve të PKK Hani i Hotit ndaluan shtetasin A. Ç., 31 vjeç, banues në Tiranë, pasi nga verifikimet e kryera rezultoi se ishte shpallur në kërkim nga Komisariati i Policisë Lezhë, për veprën penale “Mashtrimi”. Veprimet e mëtejshme procedurale për këtë shtetas do të kryhen nga Komisariati i Policisë Lezhë.
Specialistët për Hetimin e Krimeve të Komisariatit të Policisë Fushë Arrëz referuan materialet në Prokurori ku nisi procedimi në gjendje të lirë për shtetasin P. Gj., 66 vjeç, banues në fshatin Arst, Fushë Arrëz, pasi gjatë kontrollit në banesën e tij, është gjetur një armë sportive, që e mbante pa lejen përkatëse”,- njofton Policia.
