Bujar Fandaj, 41 vjeç, është autori i vrasjes së gruas së tij Vanesa Ballan 26-vjeçe, i cili u arrestua mbrëmjen e kaluar në Itali.
Fandaj dyshohet se vrau Vanessa, me të paktën shtatë goditje në gjoks, me thikë, shkruajnë mediat vendase. E reja, nënë e një fëmije 4 vjeç, ishte tre muajshe shtatzënë dhe prej rreth tre javësh ishte në shtëpi me leje të parakohshme shtatzënie.
Fandaj dhe Vanessa njiheshin me njëri-tjetrin, pasi në të kaluarën kishin pasur një lidhje që ka zgjatur disa muaj. Lidhja përfundoi keq, pasi ajo ishte shprehur se kishte frikë prej tij dhe e denoncoi për përndjekje.
Sipas Corriere della Sera, Fandaj, i cili punonte si korrier ishte nisur me furgonin e punës për te shtëpia e 26-vjeçares, në Spineda, në Riese Pio X. Në momenti që arriti përballë shtëpisë, u fut me forcë duke thyer me çekiç një derë prej xhami. Ai e gjeti të renë ende me pizhame, e dhunoi fizikisht më pas e goditi me thikë për ta lënë më pas në tokë, të mbuluar nga gjaku.
Pak orë para vrasjës, Fandaj kishte postuar në rrjetin social Tik-Tok një video, krahas së cilit shkruante: “Te jap zemren time, por mos mendo kurrë të ma thyesh. Sepse nëse del nga zemra, nuk do te kthehesh më kurrë”, fjalë që marrin nje kuptim dramatik pas ngjarjes që ndodhi.
LEXO EDHE:
Vanessa, edhe pse e martuar, kishte qenë e lidhur me vrasësin shqiptar, shantazhohej me foto intime
