Komisioni i Ligjeve ka miratuar sot ndryshimet ligjore të propozuara nga PS për Komisionet Hetimore. Shtesat dhe ndryshimet në funksionimin e ligjit për Komisionet Hetimore, parashikon që të kufizojë të drejtat e opozitës për ngritjen, objektin dhe mënyrën e zhvillimit të komisioneve hetimore parlamentare.
Projektligji u depozitua nga deputetja socialiste, Ermonela Felaj.
Kujtojmë se mazhoranca ka refuzuar ngritjen e 8 komisioneve hetimore parlamentare të kërkuara nga opozita. Ky është një prej shkaqeve që sipas PD, opozita ka nisur aksionin e bllokimit të zhvillimit të aktivitetit normal në parlament.
Vendimmarrja e socialistëve kundërshtohet nga opozita. “Sot mazhoranca ndryshoi ligjin duke e kthyer atë në një instrument në favor dhe kontroll. Ky ligj ka shkaktuar probleme për mazhorancën. PD arriti sot të vendosë para drejtësisë dhe ish-ministra. Treguan që nuk janë të gatshëm që të ndryshojmë ligjin për t’i dhënë hapësirë parlamentit, por për ta bërë atë si instrument ashtu siç do”, u shpreh Tabaku në një reagim pas vendimin të deputetëve të PS.
Në fund në Nëntorit, deputetja socialiste Ermonela Felaj depozitoi një projektligj, përmes të cilit mazhoranca synon që të kufizojë të drejtat e opozitës për ngritjen e komisioneve hetimore, si edhe të zhvillojë seanca të mbyllura me pretendimin e mbrojtjes së sekretit tregtar, atij shtetëror dhe moralit shoqëror.
