Kërkesa e SPAK për heqjen e imunitetit ndaj Sali Berishës me qëllim ashpërsimin e masës së sigurisë ndaj tij po shqyrtohet këtë të Hënë.
Kryetari i PD-së, Sali Berisha nuk ishte prezent në seancë, por po përfaqësohet me prokurorë të posaçme nga dy avokatët e tij, Genc Gjokutaj dhe Sokol Mëngjesi.
Prezent në seancë janë deputetët e PS dhe Enkelejd Alibeaj nga grupi Basha.
Ndërsa deputetët e opozitës e kanë bojkotuar seancën.
Përfaqësues nga prokuroria janë Arben Kraja dhe Enkeleja Millonai.
Të mërkurën e 12 Dhjetorit, Prokuroria e Posaçme kërkoi autorizimin nga Kuvendi për ashpërsimin e masës ndaj Berishës, lidhur me procedimin penal për privatizimin e ish-kompleksit sportiv “Partizani”. SPAK shprehet se ashpërsimi i masës kërkohet në kushtet kur Berisha nuk ka respektuar masën e detyrim paraqitjes, caktuar më herët ndaj tij nga GJKKO dhe konfirmuar më pas nga Apeli.
Me shumë gjasa, këshilli do të miratojë kërkesën e SPAK. Më pas, vendimmarrja e dytë dhe finale i kalon Kuvendit. Pasi edhe ky institucion jep dritën jeshile, atëherë SPAK i drejtohet me kërkesë mase gjykatës.
