Këshilltarët e opozitës në këshillin bashkiak të Bashkisë së Tiranës, kanë folur ditën e sotme lidhur me aferën korruptive të inceneratorëve duke e konsideruar si vjedhjen e shekullit.
Në deklaratën e tyre për mediat, nga vendi ku parashikohet të ndërtohet inceneratori i Tiranës, ata deklarojnë se në 15 hektarët e planifikuar për inceneratorin po kryhet krim mjedisor. Ata shprehen se kryebashkiaku Veliaj, “është përgjegjës i drejtpërdrejtë i kësaj masakre”.
“Ju bëjmë thirrje institucioneve shtetërore që kanë në mbrojtje territorin, të vijnë këtu dhe të shofin nga afër këtë masakër, kët krim mjedisor që po kryhet në landfillin e Sharrës. Erion Veliaj është përgjegjës i drjetpërdrejtë i kësaj masakre, sepse me autoritetin e tij, në territorin e bashkisë së tij, që tani përbën një rrezik shumë të madh për jetën e qytetarëve.”, tha Endrit Braimllari gjatë fjalës së tij.
