Gazetari Aldo Kozarja ka zbuluar detaje të reja në lidhje me dëshminë e Sokol Mjacaj përballë prokurorëve pas kryerjes së vrasjes në burgun e Peqinit.
Sipas gazetarit, Mjacaj ka pohuar se nëse nuk do ta merrte vesh që do të izolohej në 41 biss, nuk do ta kryente krimin në fjalë.
“Për t’u ndalur te ngjarja pasi është kryer vrasja kemi të bëjmë me një moment të rëndësishëm. Sokol Mjacaj i ka thënë zyrtarëve të grupi hetimor kur e kanë marrë në pyetje, nëse unë nuk do të merrja vesh se isha vendosur të futesha në 41 bis, nuk do ta kryeja këtë veprim sot. Ia ka thënë zyrtarëve të lartë këtë gjë është në dokumenta.
E ka kryer vrasjen nga njoftimi që ka marrë. Zyrtarë të policisë Shkodër kanë zhvilluar mbrëmjen e djeshme dhe një kontroll në banesën e tij në Prekal në Shkodër”, tha gazetari për “Review” në Euronews Albania.
Gazetari tregon se Sokol Mjacaj është transferuar në burgun e Fierit për arsye sigurie. Ai tha se në momentin që Mjacaj ka pasur armën në dorë, ka kërcënuar disa të burgosur të tjerë dhe më pas ka patur dëbate dhe kërcënime nga ana e tyre, gjë që ka çuar në transferimin e tij.
“Sokol Mjacaj është transferuar nga Burgu i Peqinit në drejtim të Burgut të Fierit për arsye sigurie, sepse ka pasur tentative pas ngjarjes që të burgosurit e tjerë që ai ka kanosur me armë, ka pasur debate pas asaj situate. Por edhe në Fier duke qëndruar në një qeli i vetëm. Burgu i Fierit ësht ënjë burg i sigurisë të lartë dhe ka të gjitha kushtet që ka ai i Peqinit”, është shprehur Kozarja.
