Dy persona kanë mbetur të plagosur rëndë si pasojë e një përplasje mes të dënuarve në burgun e sigurisë së lartë të Peqinit.
Në një reagim zyrtar, Drejtoria e Përgjithshme e Burgjeve bën me dije se për shkak të një konflikti 3 të dënuar janë përplasur mes tyre dhe për pasojë dy prej tyre janë plagosur.
Ende mbetet e paqartë ku u gjetën armët që u përdorën nga të dënuarit brenda ambienteve të burgut.
Fillimisht u raportuan për një viktimë dhe pengmarrje të stafit të kuzhinës por Drejtoria e Përgjithshme e Burgjeve mohon lajmet paraprake të publikuara në media.
Njoftim paraprak nga Drejtoria e Përgjithshme e Burgjeve!
“Per shkak te nje konflikti mes tre te denuarve me burgim te përjetshëm kane mbetur te plagosur dy prej tyre te dhe nderkohe situata po menaxhohet! Ju sqarojme që s’ka asnje gardian, staf policor dhe civil te lenduar!”, thuhet ne njoftim.
