Autoritetet në Itali kanë goditur një bandë kriminale, që merrej me trafikim të lëndëve narkotike, dhe grabitje.
Në këtë operacion kanë marrë pjesë më shumë se 500 policë, ndërsa janë vënë në pranga 40 persona, nga të cilët më shumë se 25% janë të mitur.
Ky operacion i gjerë u bazua shumë edhe në rrjetet sociale, por edhe nga raportimet e qytetarëve për të rinjtë që ishin kthyer në shqetësim për komunitetin.
Mediat vendase shkruajnë se gjatë kontrolleve janë gjetur dhe sekuestruar armë zjarri, drogë dhe rreth 10 mijë euro.
