Kreu i Grupit Parlamentar i Partisë Demokratike, Gazment Bardhi ka shpërthyer me akuza ndaj Edi Ramës i cili ka urdhëruar për të asgjësuar opozitën duke mos e lejuar të futet në seancën e sotme plenare në Kuvend.
Pas tensioneve dhe përplasjeve para parlamentit, Bardhi tha për mediat se ka kaluar afati 10 ditor i përjashtimit. Sipas tij, plani është që të shfaqin në sytë e opinionit publik regjimin e Edi Ramës.
“Ne do tentojmë të hyjmë në respekt të mandatit. Mandatet i kemi të fituar përballë Eedi ZRamës dhe bandave të tij. Janë vota të popullit opozitar. Ne jemi këtu për ti përfaqësuar në këtë ushtrim që na i kanë dhënë qytetarët. Plani jonë është të shfaqim në sytë e opinionit publik regjimin e Edi Ramës. Edhe Rama që të ushtrojë profesionin e tij ka nevojë të ruhet me gardistë. Ka më shumë forca sigurie sesa civile të administratës dhe deputetë. Më thonë cfarë dallimi ka një regjim diktatorial nga regjimi që po flasim. A është ky një vend anëtar i NATO-s dhe kandidat për në BE? Nuk ka ndodhur kurrë”, tha Bardhi.
