Kryetari i Partisë së Lirisë, Ilir Meta, ka reaguar pasi mazhoranca miratoi ndryshimin e rregullores së Kuvendit, për përjashtimin e deputetëve 30 deri në 60 ditë.
Meta shprehet se ky miratim u bë në mënyrë arbitrare dhe se po synohet asgjësimi i opozitës.
“Ndryshimet e njëanshme të Rregullores së Kuvendit të bëra në mënyrë arbitrare dhe përjashtuese synojnë asgjësimin e opozitës dhe parlamentarizmit.
Ndaj pezullimi i mandateve të deputetëve në këtë mënyrë antikushtetuese është i papranueshëm.
Vetëm plotësimi i kërkesave të opozitës rikthen normalitetin në Kuvend dhe garanton rolin e tij kontrollues ndaj qeverisë,” tha Meta.
