Është mbyllur mbrëmjen e sotme faza e grupeve të Champions League.
Pas verdikteve të ndeshjeve të raundit të 6-të, PSG dhe Porto janë dy skuadrat e fundit që kanë siguruar kualifikimin për në fazën e 1/16-ve.
Në grupin e ferrit, atë F, PSG ka arritur të barazojë 1-1 me Dortmund dhe ky rezultat bën që francezët të pozicionohen të dytët në grup dhe të vazhdojnë aventurën e tyre në Champions League.
Në “Saint James Park” Newcastle vendas humbi 1-2 me përmbysje nga Milani në raundin e fundit të grupeve në Champions League. Megjithë tri pikët në udhëtim, Milani mbetet jashtë Championsit, kjo pas barazimit 1-1 të Dortmundit dhe PSG-së.
Kuqezinjtë sigurojnë një vend në play-off e Europa League si vendi i tretë në grupin F. Në sfidën e Anglisë, Newcastle kaloi në epërsi me Joelinton në minutën e 33-të. Në pjesën e dytë italianët ndryshuan fytyrë dhe përmbysën ndeshjen me Pulisic në të 59′ dhe Chukueze në të 84 minutë.
Tanimë Milan nuk arrin të kalojë në 1/16 e Champions duke u kënaqur me minimumin në Evropë.
Në grupin H, Barcelona humbet 3-2 ndaj Antwerp, rezultat i cili nuk përbën problem. Ia del Porto të kualifikohet si e dyta në grup pasi mundën 5-3 Shakhtar Donetsk.
Në grupin E Atletico Madrid ka arritur të fitojë në “Metropolitano” kundër Lacios me rezultatin 2-0. Griezman në pjesën e parë dhe Lino në të dytën i dhanë fitoren skuadrës së Simeones kundër Hysajt me shokë dhe kështu e mbyllën Grupin E në vendin e parë, ndërsa italianët kualifikohet si të dytët.
Po në këtë grup, Celtic mposhti Feyenoord, në një sfidë që vlente vetëm për statistikë, me holandezët që kaluan në Ligën e Europës.
Champions League i këtij sezoni pritet të dhurojë spektakël, shumë skuadra në garë, por në fund vetëm njëra prej tyre do mund të marrë trofeun me veshë të mëdhenj.
Rezultatet:
